文章動態

激光永久脫毛試做比較 (dermes vs Medilase) ~同毛毛正式講BYEBYE

作者:SELMA时间:2017-02-16 10:17:27 標籤: 分類:hairloss
 夏天又到,又係背心出動既時候喇!講左去做激光脱毛好幾年,

但係成日都恃住部脫毛機仲work到,就自己剃住先,

剃下一個月,剃下又幾個月,夏天都就過~!

雖然用左脫毛機咁多年,但我一直都唔滿意效果><

次次剃完D皮膚又紅,毛孔又粗><

近排部脫毛機仲要壞埋,所以我終於的起心肝,

決定今個夏天去做激光脱毛,同毛毛正式講BYEBYE!

雖然已經決定去做激光脱毛,

但係坊間都有好幾間多人用開講開既激光脱毛中心,

反正都有免費試做,我就pick左dermes同Medilase去試,

試過先揀先夠精明架嘛~!

上網book左Medilase既試做,上到去即刻有個consultant帶我入consultation room,

一入去就同我講價錢

我心諗唔洗介紹下公司同療程先!?

佢仲講左好多其他脫毛公司有咩唔好,

我唯有照直講其實我岩岩開始接觸脫毛療程,

想間間試下先再決定join唔join,

佢面色即刻變左一變… 叫另一位治療師帶我入房開始試做…

 

試做過程同試後感

Medilase既試做叫PRO Test,

原來都真係一個test咁簡單,

因為我同左consultant講我想做underarm,

治療師就係我underarm篤左2下(真係得2下,汗),

個感覺係俾針拮左2下咁,

我仲感覺緊有幾痛時原來已經試完 @o@

之後我膽粗粗問治療師可唔可以test多下,

治療師就反問我想做咩位 (其實我一心係想做多下underarm)。

咁我見佢咁問,咁就試下上唇啦 (我見都多人做~) ,

之後治療師就再係上唇篤左一下,

可能面既皮膚幼細D,試做唇位個下就feel到有小小痛。

 

治療師有解釋到做既時候,部機會同時噴 - 20度既冷凍劑,

但係我未feel到個下凍,因為激光個幾下都好快完,只係好似俾針拮咁。

 

成個試做只係打左幾下,其實就唔係太痛,

不過都擔心如果正式做,係同一個位置打咁多下既時候會唔會痛,

所以我做完個test都唔敢join,又睇唔出效果。

 

試後服務

試做完之後,因為我驚會俾人hard sell走唔到,

所以即刻話自己其實已經join左其他公司脫毛,

點知consultant就話即時 join 會有轉會優惠,

減一半架~ 如果我真係join左其他公司,

可能都會吸引過黎,但最後consultant竟然重複講左幾次即時唔 join,

之後就冇優惠。呢點對客人黎講真係麻麻地,

我連效果都唔係好feel到,價錢幾平都冇用喇!

激光脫毛始終有風險,我一定會試清楚,岩自己既treatment先會join!

dermes

dermes 我揀左去朗豪坊分店,

去到真係「嘩」左聲,好靚呀~~~

個 view 靚到不得了,未開始試做,心情已經好好,

一去到就有人過黎serve我,完全唔洗等 ~^v^~

 

試做過程同試後感

上到dermes,首先consultant好詳細咁講解左一次脱毛療程,

仲解釋埋彩光同激光脫毛既分別,原來脫毛都好多學問,哈哈~

consultant仲有問我皮膚狀況,佢知我用左脫毛機好耐,

同我講就算唔join佢地,都唔建議我再用脫毛機,

因為皮膚會好傷。我聽到其實覺得好意外,

因為佢竟然唔hard sell不特止,

仲俾番D咁體貼既建議我  完全冇hard sell既感覺

 

係dermes做treatment之前,原來佢仲會做個spot test先。

呢個 test係用黎測試皮膚受到幾多度既激光,

到正式做既時候就會參考番呢個度數。

Medilase 個 PRO Test 就好似係dermes既spot test咁,

但dermes就會係手臂上打3至4下先,

而唔係直接喺underarm或者上唇呢D敏感位打。

 

我原本以為好似Medilase咁,到用機既時候會有另一個治療師幫我做,

但係dermes原來會由consultant處理埋試做既過程,

所以spot test同成個試做都係由同一個人 handle。

因為我同佢講過我用開脫毛機剃毛,所以佢係正式做之前,

好仔細咁睇過我皮膚狀況,佢見到我underarm 一粒粒突起,

好似雞皮咁,發現我有發炎同毛髮倒生既問題,

叫我一定唔可以再用脫毛機呢類DIY脫毛既工具 ><

 

試做之前,consultant有幫我敷冰同搽Gel,

話可以keep住皮膚響最佳溫度,做個陣仲會開住 -4度既冷風機,

減低激光既不適。比起就咁噴住冷凍劑,有3重cooling真係安心好多。

做既時候因為有冷風吹住,所以感覺唔係好大,

只係好似橡筋彈咁,成個過程都涼浸浸,

幾舒服!dermes既試做就真係成個部位做一次,

體驗一個完整部位,所以比我既信心大D!

 

做完成個underarm療程,會再搽保濕cream去保護番皮膚,

我做完之後即刻照鏡睇,underarm 真係白滑左 >v<

 

試後服務

試做完之後,consultant 再解釋多次點解要做激光脱毛,

仲有唔同DIY脫毛方法既缺點,力勸我唔好再自己剃。

佢話第一次做完激光脫毛後,大約有 20% 既毛毛已經清除左,

其餘既毛毛就會係4-6次療程後完全清除,每次療程要相隔6至8星期做一次。

轉激光脫毛既話,就要忍住手,唔好再自己剃。

最後先介紹dermes最新既優惠,叫我番去考慮一下。

仲有bioderma 紅水送 >W< 之後第二日佢仲打俾我,

問我覺得點,有冇唔舒服,仲有冇野想問佢,超級warm ❤

 

綜合比較

Medilase既試做其實就係dermes既spot test,嚴格黎講我覺得唔太似試做;

相反dermes俾我感受到整個treatment,起碼令我知道成個流程係點,

同埋做晒成part會有咩感覺。所以我覺得無論點都要試左 dermes先,

特別係我都未試過激光脫毛,如果淨係打幾下,

我真係唔夠信心join,Medilase未照顧到我既需要。

 

效果方面,做完Medilase其實睇唔到咩…因為打得幾下,

打左邊到其實都唔係好知,而做完dermes就明顯見到underarm白滑左。

做個陣dermes既3重cooling都令我放心好多,又敷冰又搽Gel,

仲有埋凍風機,最緊要係我做完成個療程都冇唔舒服。

而 medilase 好似好隨便咁,當然打幾下應該都唔洗做D咩?

唔知join 左做成個部位會唔會有唔同? 唔多sure~

因為我真係好喜歡consultant個種窩心感,所以我應該都會揀 dermes ~ ^W^

 

最緊要既價錢,其實兩間差唔多,

所以我純粹用效果同service去揀,有興趣既話大家都可以去試下做!

 

下面2條Links 可以登記dermes同Medilase既試做,

我個人就prefer dermes試做,又有野送,又舒服~


文章轉自於http://blog.she.com/abbyanna/2016/07/29/同毛毛正式講byebye激光永久脫毛試做比較-dermes-vs-medilase/

  • 20 LASER男士激光脫毛中心 - Facebook

    續:【男性私處(性器官)】激光脫毛Q&A Question 1:想接受私處脫毛療程,但又擔心下體毛髮脫去後會變得「光秃秃」;激光永久脫毛可否只脫去某些私處位置的毛髮, ...

  • dermes激光永久脫毛專家- About - Google+

    dermes激光永久脫毛專家- 自99年以來,dermes專一專注,鑽研激光永久脫毛技術,採用最有效、最先進的醫學儀器,以專業TKS「選擇性光熱技術」針對性深入毛囊, ...